Rusiyanın tank, raket və mərmi istehsal etmək qabiliyyəti Qərbi təəccübləndirib və Ukraynaya təzyiqləri artırıb.
Modern.az xəbər verir ki, bu barədə “The Wall Street Journal” yazıb.
Qeyd olunub ki, bunun nə qədər davam edəcəyi sualdır. Bəzi Qərb rəsmiləri və analitikləri deyirlər ki, Rusiya hərbi istehsal göstəriciləri yalnışdır və işçi çatışmazlığı və keyfiyyətin aşağı düşməsi kimi problemləri ört-basdır edir.
Onların fikrincə, istehsalın artımı qeyri-davamlı ola bilər, çünki bu, resursları bütövlükdə iqtisadiyyatdan uzaqlaşdırır və istehsalın hər hansı azalması Rusiyanın Çin, İran və Şimali Koreya kimi müttəfiqlərin köməyindən daha da asılı olmasına səbəb ola bilər.
“Rusiya bir çox müdafiə sektorunda istehsalı artırmaqda olduqca təsir edicidir. “Ancaq mən çox şübhə edərdim ki, Rusiya hasilatı bu sürətlə artırmağa davam edə bilər... durğunlaşacaq”, - İsveç Müdafiə Universitetinin tədqiqatçısı Oskar Conson deyir.
