“Azərbaycan Xəzər Dəniz Gəmiçiliyi” QSC-nin kollektivinə (ASCO) ağır itki üz verib.
Modern.az xəbər verir ki, ASCO-nun “Suraxanı” gəmi-muzeyinin ilk kapitanı Qasım Alacov vəfat edib.
Qasım Alacov 18 iyul 1959-cu ildə Füzuli rayonunun Horadiz kəndində anadan olub.
O, 1980-ci ildən üzən heyətin sıralarına qoşulub. Daha sonralar ASCO-nun müxtəlif gəmilərində matros, bosman, kapitanın növbə köməkçisi, kapitan vəzifələrində işləyib.
Qasım Alacov həmkarları arasında işgüzarlığı və bacarığı ilə yadda qalıb.
Allah rəhmət eləsin!
