Ukrayna Rusiyaya zərbə endirmək üçün Amerika silahlarının istifadəsinə qoyulmuş qadağanı ləğv etmək üçün Ağ Evə təzyiq edir.
Modern.az xəbər verir ki, bu barədə "Politico" nəşri yazıb.
Nəşr yazır ki, bir qrup ukraynalı parlamentari bu həftə Vaşinqtondadır və, bu problemin həllində Konqresdən kömək istəyir. Çünki onların fikrincə, qadağa Ukraynanın hərbi hərəkətlərini məhdudlaşdırır.
Ukrayna rəsmiləri həftələrlə Rusiya qüvvələrinin Ukrayna sərhədi boyunca cəmləşdiyini, Vaşinqtonun siyasəti ucbatından ABŞ-ın verdiyi silahlardan qabaqlayıcı zərbə endirmək üçün istifadə edə bilmədiklərini izləyiblər.
Materialda o da bildirilir ki, Bayden administrasiyası hələlik bu məsələ ilə bağlı mövqeyini dəyişmək niyyətində deyil.
