İsrailin Baş naziri Benyamin Netanyahu bildirib ki, ölkə Yaxın Şərqdə və ətrafında “radikal qüvvələrə” qarşı dayanmaq üçün müttəfiq dövlətlər şəbəkəsi yaradacaq.
Modern.az xəbər verir ki, Netanyahu Hindistanın Baş naziri Narendra Modinin İsrailə planlaşdırılan səfərini elan edərkən deyib ki, Hindistan İsraillə “eyni baxışları bölüşən ölkələr oxunun” bir hissəsi olacaq. O, həmçinin Yunanıstan, Kipr və bəzi ərəb, Afrika və Asiya ölkələrini də bu çərçivədə qeyd edib.
Baş nazir bildirib ki, məqsəd “radikal şiə oxuna” və formalaşmaqda olan “radikal sünni oxuna” qarşı regional ittifaq yaratmaqdır.
Qeyd edək ki, İsrail 2020-ci ildən ABŞ-ın dəstəklədiyi “Abraham sazişləri” çərçivəsində BƏƏ, Bəhreyn və Mərakeşlə münasibətləri normallaşdırıb. Lakin Qəzzada müharibə fonunda bəzi sünni ölkələrlə münasibətlər gərginləşib. (aljazeera)
