Türkiyənin sarımsaq diyarı kimi tananın Kastamono vilayətində sarımsaqlı dondurma hazırlanıb. Modern.az türk mətbuatına istinadən xəbər verir ki, Kastamononun Taşköprü kəndində bir iaşə sahibi müştərilərinə sarımsaqlı dondurma təklif edir.
Yerli iaşə mərkəzəlrindən birini işlədən Bəkir Çakaloğlu vilayətin ən böyük gəlir mənbəyi olan sarımsağı daha cəlbedici hala gətirərək müştərilərə təklif etmək qərarına gəlib. Çakaloğlu artıq bir aya yaxın bir vaxtdır ki, sarımsaqlı dondurma satır və bu sərinləşdirici məhsulun müştərilər tərəfindən normal qarşılandığını bildirir.
