Bakı Şəhər İcra Hakimiyyəti Novruz şənliklərinə hazırlaşır. Bu haqda Modern.az saytına məlumat verən qurumun mətbuat xidmətinin rəhbəri Nailə Məmmədova deyib ki, hazırda bayrama hazırlıq işləri gedir:
“Mart ayının 15-i, ilaxır çərşənbə günü saat 10:00-da Bakı Şəhər İcra Hakimiyyəti ilə “İçərişəhər” metrostansiyası arasındakı meydanda milli geyimli oğlan və qızların Suraxanı rayonu Atəşgah məbədindən gətirdiyi odla Qız qalasının üstündəki məşəl alovlandırılacaq. Musiqi sədaları altında baş tutacaq bu tədbir təbii ki Novruz personajlarının iştirakı ilə gerçəkləşəcək”.
Hər il olduğu kimi bu il də ilaxır çərşənbə və bayram günü Dənizkənarı Milli Parkda konsert və atəşfəşanlıq keçiriləcəyi istisna edilmir.
Gülşən RAUFQIZI
