Bakı-Qazax yolunun 134-cü kilometrliyində, Şamaxı rayonu ərazisində “Mercedes” markalı yük avtomobili idarəetməni itirərək aşıb. Modern.az saytı Fövqəladə Hallar Nazirliyinin saytına istinadən xəbər verir ki, nəticədə avtomobildə olan 2 nəfər sərnişin xəsarət alıb və deformasiyaya uğramış avtomobildə sıxılmış vəziyyətdə qalıblar.
FHN-nin yanğınsöndürən-xilasediciləri hadisə yerinə cəlb olunaraq vətəndaşları avtomobildən çıxarıb və aidiyyəti üzrə təhvil veriblər. Əməliyyat saat 14:20-də başa çatıb.
Modern.az
