Bakı şəhəri 295 N-li tam orta məktəbin şagirdləri və Quba Texniki Təmayüllü Liseyin şagirdləri ilə birlikdə “31 Mart Azərbaycanlıların soyqırımı günü”nə həsr olunmuş açıq dərs keçirilib.
Modern.az xəbər verir ki, 295 N-li tam orta məktəbin direktoru, deputat Dilarə Cəbrayılovanın təşkilatçılığı keçirilən açıq dərsdə 1918-ci ildə Azərbaycanlılara qarşı ermənilər tərəfindən törədilmiş kütləvi soyqırım haqqında məlumat verilib.
Tədbirdən sonra Quba şəhər Texniki Təmayüllü Lisey və Bakı şəhəri 295 saylı məktəb arasında Bilik Fondunun həyata keçirdiyi “İlboyu bilik” proqramı çərçivəsində “Qardaşlaşma haqqında” saziş imzalanıb.
Sonra isə şagirdlər Quba soyqırımı memorial kompleksini ziyarət ediblər. Sonda deputat Dilarə Cəbrayılova tədbirin əhəmiyyətindən danışıb.
O qeyd edib ki,bu kimi tədbirlərin şagirdlər arasında keçirilməsi şagirdlərin tarixi həqiqətlər, soyqırımı dəhşətləri haqqında daha dərindən öyrənməsində köməklik göstərir və onların vətənpərvərlik ruhunu möhkəmləndirir.
Modern.az
