Türkiyənin Anadolu Agentliyində cəbhə bölgəsində erməni təxribatını əks etdirən fotolar yayımlanıb. Modern.az saytı xəbər verir ki, fotolar Ağdamın Sarıcalı kəndində çəkilib.
“Qafqazinfo”nun məlumatına görə, rayonun icra başçısı Raqub Məmmədov da açıqlamasında iki evin və bir məktəbin dağıldığını bildirmişdi: "Rayonun Sarıcalı kəndində düşən mərmi orta məktəbin bir tərəfini dağıdıb. Həmin kənddə mərmi bir evi də dağıdıb. Başqa bir ev isə rayonun Hacıturalı kəndində dağılıb. Xəsarət alan yoxdur".
Modern.az
