Təhsil Naziri Misir Mərdanov jurnalistlər açıqlamasında 8 mart Qadınlar günü münasibəti ilə orta məktəblərdə şagirdlərdən pul yığılması barədə məlumatlara münasibət bildirib. (APA)
“Kimin ürəyində müəllimi təbrik etmək arzusu varsa, təbrik etsin, biz bunun qabağını kəsə bilmərik. Amma bu, alverə çevrilməməli, müəllim və məktəbi nüfuzdan salmamalıdır”.
Nazir həmçinin onu da vurğulayıb ki, orta məktəblərdə bu ilin əvvəlindən keçirilməyə başlanan sınaq imtahanlarının nəticələri çox aşağıdır.
“Bu nəticələrlə öyünmək olmaz. Səbəbləri də bizə bəllidir. Biz onları aradan qaldırmalıyıq”.
Modern.az
