2019-cu ilin dövlət büdcəsi yaxın günlərdə Milli Məclisin müzakirəsinə çıxarılacaq.
Bu barədə Modern.az-a Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə məlumat verib.
Komitə sədri bildirib ki, 2019-cu ilin dövlət büdcəsi oktyabrın 16-dan sonra Milli Məclisdə müzakirəyə çıxarılacaq.
“Dövlət büdcəsinə əvvəlcə Milli Məclisin İqtisadi siyasət, sənaye və sahibkarlıq komitəsində, daha sonra isə digər komitələrdə baxılacaq. Bundan sonra isə dövlət büdcəsi Milli Məclisin plenar iclasına tövsiyyə olunacaq”.
