Cəbrayıl şəhərində 33 binada yerləşəcək 712 mənzilin tikintisi gələn il başa çatacaq.
Modern.az xəbər verir ki, bunu Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonlarında Prezidentin xüsusi nümayəndəsi Vahid Hacıyev Cəbrayıl rayonunun Soltanlı kəndinin təməlqoyma mərasimində bildirib.
"Soltanlı kəndi çox strateji mövqedə yerləşir. Buradan əsas avtomobil yolları, dəmir yolu xətləri keçir, "Araz Vadisi İqtisadi Zonası" Sənaye Parkı kəndin yaxınlığında yerləşir. İnanıram ki, kənd sakinləri bura köçdükdən sonra kəndin inkişafı üçün öz töhfələrini verəcək. Bundan başqa Şükürbəyli və Horovlu kəndləri tikilməkdədir. Xudafərin qəsəbəsində də tikinti işlərinə başlanılıb", - deyə o əlavə edib.
