Pakistanın Pəncəb əyalətinin Radjanpur yaşayış məntəqəsində təhlükəsizlik qüvvələri 22 polisin azad olunması üçün əməliyyat keçirir. Modern.az xarici KİV-ə istinadən bildirir ki, polisləri yerli cinayətkar avtoritet Qulam Rasulun böyük quldur dəstəsi girov götürüb.
Polislərdən 6-sı öldürülüb. Quldurlar qalanların da öldürüləcəkləri ilə hədələyirlər. Hakimiyyət cinayətkarlarla danışıqlardan imtina edərək əraziyə helikopterin dəstəyi ilə xüsusi təyinatlıları yollayıb. Əməliyyatlarda güc strukturlarının ümumilikdə 1,6 min əməkdaşı iştirak edir.
Modern.az
