Əfqanıstan hərbçilərinin və polisin birgə əməliyyatı zamanı ölkənin şimal-şərqindəki Kunduz əyalətinin Çaxardara qəzasında “Taliban” hərəkatının səhra komandirlərindən biri Kori Nacib öldürülüb. Modern.az xarici mediaya istinadən bildirir ki, bu haqda jurnalistlərə əyalətin polis rəisi Muhəmməd Qasım Canqal-Baq məlumat verib.
Onun sözlərinə görə, birgə əməliyyat aprelin 26-dan 27-nə keçən gecə başlayıb və səhərə yaxın başa çatıb. Səhra komandirindən başqa taliblərlə toqquşmada daha iki yaraqlı öldürülüb, 20-si saxlanılıb.
Modern.az
