Bu gün Azərbaycan Kubokunun yarımfinal mərhələsinin ilk oyunları keçirilib. Modern.az saytı xəbər verir ki, "İnter" doğma meydanda "Qarabağ"la qarşılaşıb. İlk qol Ağdam təmsilçisindən gəlib - 19-cu dəqiqədə Migel Madera fərqlənib.
İkinci hissəyə də "Qarabağ" fəal başlayıb - 60-cı dəqiqədə Madera dubl edib. 7 dəqiqə sonra Dani fərqi daha da artırıb. 84-cü dəqiqədə isə Reynaldo son nöqtəni qoyub - 0:4.
"Neftçi" isə "Qəbələ"ni qəbul edib. Hesabı qonaqlar açıblar (Aleksey Qay, 5`). 71-ci dəqiqədə Rəhman Hacıyev tarazlığı bərpa edib.
84-cü dəqiqədə Rəşad Sadiqov ikinci sarı vərəqə alaraq meydanı tərk edib. Matç 1:1 hesabı ilə başa çatıb.
Modern.az
