Beş gündür ki, Rusiya Krıma aktiv şəkildə hərbi texnika və əsgər aparır.
Modern.az xəbər verir ki, bu barədə “Facebook”da Krım-Tatar Resurs Mərkəzi Kiyev Teleradio Şirkətinin sədri Eskəndər Bariyevin müsahibəsinə istinadən məlumat yayıb.
“Krımda çoxlu rus texnikası, çoxlu rus əsgəri var. Beş günə yaxındır ki, avadanlıqların köçürülməsi davam edir. Avadanlıq həm Kerç körpüsü boyunca dəmir yolu ilə, həm də avtomobil yolu ilə daşınır. Bizə həmçinin bildirilib ki, Rusiyadan Krıma gedən avtomobil yolu da mülki vətəndaşlar üçün bağlanıb”, - Bariyev bildirib.
