Qırğızıstan-Tacikistan sərhədində münaqişə nəticəsində ölənlərin sayı 62 nəfərə çatıb.
Modern.az xəbər verir ki, bu barədə Qırğızıstanın Səhiyyə Nazirliyi məlumat yayıb.
Sentyabrın 24-nə olan məlumata görə, münaqişə zamanı 13-ü uşaq, 171-i kişi və 14-ü qadın olmaqla, ümumilikdə 198 vətəndaş zərər çəkib.
Milli Xəstəxananın reanimasiya şöbəsinə yerləşdirilən 3 nəfərin vəziyyəti ağır qiymətləndirilir, digərlərinin vəziyyəti orta ağır və nisbətən qənaətbəxşdir.
Qeyd edək ki, Qırğızıstan-Tacikistan sərhədində silah tətbiqi ilə münaqişə sentyabrın 14-də başlayıb.
