ABŞ-ın iğtişaşçılara dəstəyi Vaşinqtonun İrana qarşı diplomatik mövqeyinə ziddir.
Modern.az xəbər verir ki, bunu İranın xarici işlər naziri Hüseyn Əmir Abdollahian bildirib.
O qeyd edib ki, dinc etiraz hər bir xalqın hüququdur.
"Lakin ABŞ-ın İranın işlərinə qarışması və iğtişaşçılara ölkədə sabitliyi pozma layihəsini həyata keçirməkdə dəstək verməsi Vaşinqtonun siyasəti ilə ziddiyyət təşkil edir", - nazir deyib.
Qeyd edək ki, sentyabrın 16-da 22 yaşlı Məhsa Əmininin əxlaq polisi tərəfindən zorakılığa məruz qalması və bir neçə saatdan sonra xəstəxanada ölməsi İranda genişmiqyaslı etirazlara səbəb olub.
Akif İsmayılov
