Rusiya raketlərinin Polşa ərazisinə düşməsi ilə bağlı xəbərlər narahatlıq doğurur.
Modern.az xəbər verir ki, bunu ABŞ Dövlət Departamentinin sözçüsü Vedant Patel deyib.
O bildirib ki, Vaşinqton nə baş verdiyini müəyyənləşdirməyə çalışır.
"Dövlət Departamenti tərəfdaşlarla danışır və Polşa hökuməti ilə işləyir", - deyə Petel bildirib.
Ağ Ev isə vurğulayıb ki, ABŞ hələlik Polşadan gələn xəbərləri təsdiq edə bilmir.
CNN-in məlumatına görə, ABŞ müdafiə naziri Lloyd Ostin tezliklə polşalı həmkarı ilə danışıqlar aparacaq.
Xatırladaq ki, Rusiya ordusu bu gün Ukraynaya 100-ə yaxın raket atıb. Raketlərdən ikisi Polşanın Ukrayna ilə sərhəddə yerləşən Prjevoduv şəhərinə düşüb. Hadisə nəticəsində iki nəfərin öldüyü bildirilir.
Akif İsmayılov
