Macarıstanın baş naziri Viktor Orban İsveç və Finlandiyanın NATO-ya üzv olmasını dəstəklədiyini bildirib.
Modern.az xəbər verir ki, bu barədə o, özünün "Twitter" hesabında yazıb.
Orban qeyd edib ki, İsveç və Finlandiyanın NATO-ya üzvlüyünün ratifikasiyası məsələsi artıq ölkə parlamentinin 2023-cü ildə keçiriləcək ilk sessiyasının gündəliyinə daxil edilib.
Polşanın Baş naziri Mateuş Moravetski Viktor Orbandan İsveç və Finlandiyanın NATO-ya üzvlüyü ilə bağlı sazişlərin ən qısa müddətdə ratifikasiya edilməsini xahiş edib.
Qeyd edək ki, iki ölkənin NATO-ya qoşulmasını hələlik yalnız Macarıstan və Türkiyə təsdiq etməyib.
Türkiyə Finlandiya və İsveçdən terror mövzusunda aydın mövqe nümayiş etdirməsini və terrorçuların Ankaraya verilməsini tələb edir.
Akif İsmayılov
