Türkiyədə sərnişin avtobusunun qəzaya uğraması nəticəsində 39 nəfər müxtəlif dərəcəli bədən xəsarətləri alıb.
Modern.az “Anadolu” agentliyinə istinadən xəbər verir ki, Bartın şəhərindən Zonquldak istiqamətində hərəkətdə olan avtobus yoldan çıxaraq aşıb.
Əraziyə jandarm və təcili yardım briqadaları cəlb edilib. Yaralılar ilkin tibbi yardımdan sonra xəstəxanaya yerləşdirilib.
Hazırda hadisənin səbəblərinin öyrənilməsi istiqamətində araşdırmalar aparılır.
