Türkiyənin Daxili İşlər Nazirliyinin keçirdiyi müxtəlif əməliyyatlarla son 1 ayda 103 terrorçu məhv edilib.
Modern.az “Anadolu” agentliyinə istinadən xəbər verir ki, bu barədə Türkiyə DİN-in mətbuat xidmətinin rəhbəri İsmayıl Çataklı keçirdiyi mətbuat konfransında məlumat verib.
Onun sözlərinə görə, zərərsizləşdirilmiş terrorçuların 78-i PKK/KCK terror təşkilatına, 24-ü isə İŞİD-ə mənsub olan şəxslər olub.
Bundan sonra da terrorizmlə mübarizə tədbirlərinin davam etdiriləcəyi və terror təhdidlərinin qətiyyətlə qarşısının alınacağı diqqətə çatdırılıb.
