Rusiya prezidenti Vladimir Putin və İsrailin baş naziri Benyamin Netanyahu arasında telefon danışığı olub.
Modern.az "RİA Novosti"yə istinadən xəbər verir ki, bu barədə Kremlin mətbuat xidməti məlumat yayıb.
Bildirilib ki, telefon danışığı zamanı Rusiya-İsrail münasibətlərinin gələcək inkişafı ilə bağlı qarşılıqlı inam ifadə olunub. Həmçinin Putinin yəhudi xalqını milli bayramları münasibətilə təbrik etdiyi barədə məlumat verilib.
Qeyd edək ki, Netanyahu İsraildə yeni hökuməti formalaşdırıb.
