Türkiyə prezidenti Rəcəb Tayyib Ərdoğan çıxışı zamanı ölkənin qurucu lideri Mustafa Kamal Atatürkün ifadələrindən sitat gətirib.
Modern.az "Anadolu" agentliyinə istinadən xəbər verir ki, Ərdoğan bu barədə İslam Dünyası Konstitusiya Məhkəməsi Konfransının açılışında çıxış edərkən danışıb.
"Ədalət sadəcə mülkün təməli deyil, eyni zamanda dövlət arxitekturasını birləşdirən kilid daşıdır. Məhkəmənin müstəqilliyi ilə yanaşı, tərəfsizliyini də konstitusion təminat altına alaraq hüquq sistemimizin önəmli bir çatışmazlığını tamamlamış olduq", - Ərdoğan söyləyib.
Qeyd edək ki, Atatürkün "Ədalət mülkün təməlidir" ifadəsi məşhurdur və aforizmə çevrilib.
