Türkiyənin İstanbul şəhərində yanğın baş verib.
Modern.az "TRT Haber"ə istinadən xəbər verir ki, hadisə Esenyurt rayonunda baş verib.
Belə ki, ərazidəki 20 mərtəbəli binada qəfil yanğın başlayıb. İlkin olaraq 18-ci mərtəbədə yerləşən mənzillərdən birində yanğın olub və digər evlərə yayılıb.
Hazırda yanğınsöndürən qüvvələr cəlb edilib və bu istiqamətdə işlər davam etdirilir. Ölən və ya yaralananlarla bağlı məlumat verilməyib.
Yanğının səbəbləri araşdırılır.
