Meksikada təyyarə qəzası baş verib.
Modern.az xarici mətbuata istinadən xəbər verir ki, bu ölkədən ABŞ-a uçan kiçik həcmli təyyarə qəzaya uğrayıb.
Belə ki, Meksikanın Puerta Vallarta şəhərindən ABŞ-ın Texas ştatındakı Makallen şəhərinə uçan təyyarə qəfil yerə çırpılıb.
Nəticədə 2 ekipaj üzvü yaralanıb. Xəsarət alanlar dərhal xəstəxanaya çatdırılıb.
Qəzanın texniki nasazlıq ucbatından baş verdiyi güman edilir. Hazırda dəqiq səbəblərin araşdırıldığı qeyd olunub.
