Çindən Yaponiyaya səfər edən insanlara COVID-19-la bağlı məhdudiyyətlər yenidən tətbiq olunacaq.
Modern.az xarici mətbuata istinadən xəbər verir ki, bu barədə Yaponiyanın baş naziri Kişida Fumio jurnalistlərə açıqlamasında məlumat verib.
O bildirib ki, Çində yoluxmaların artması böyük narahatlıq doğurur.
Baş nazirin sözlərinə görə, Yaponiyaya gələn Çin vətəndaşları heç bir virus simptomu aşkarlanmasa da, 5 gün karantin rejimində saxlanacaq.
Koronavirus testi pozitiv çıxan insanlar isə 7 gün müddətinə karantində qalmalı olacaqlar.
Qeyd edək ki, Çində son dövrlərdə koronavirusa yoluxma sayı yenidən yüksəlib.
