Rusiya Dövlət Dumasının spikeri Vyaçeslav Volodin sanksiyaların ölkəsinə təsirini şərh edib.
Modern.az TASS-a istinadən xəbər verir ki, siyasətçi bu barədə "Telegram" kanalında yazıb.
O qeyd edib ki, Rusiyanın siyasi sistemi, eləcə də iqtisadiyyatı Qərb sanksiyalarının təzyiqi altındadır.
"Buna baxmayaraq, üzümüzə gələn 2023-cü il inkişaf ili olacaq", - deyə Volodinin paylaşımında bildirilib.
Spiker onu da əlavə edib ki, Avropa və ABŞ-ın Rusiya ilə bağlı planları pozulub.
"100 faizdən çox inflyasiya, 1 dollara 200 rubl - bu planlar pozulub. 2022-ci ildə belə deyirdilər", - Volodin yazıb.
