Ukraynanın Ankaradakı səfiri Vasili Bodnar ölkəsindən Türkiyəyə gələn miqrantların sayını açıqlayıb.
Modern.az Türkiyə mətbuatına istinadən xəbər verir ki, o, 420 min ukraynalının müharibə başlayandan bəri Türkiyəyə gəldiyini bildirib.
Səfir qeyd edib ki, ağır yaşam şərtlərinə görə, onların əksəriyyəti ya evlərinə geri qayıdıb, ya da başqa ölkələrə köçməli olub.
Xatırladaq ki, bu ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
