“Həm Azərbaycan tərəfi, həm də biz TANAP-da işimizi davam etdiririk”.
Modern.az xəbər verir ki, bu barədə Türkiyə Prezidenti Rəcəb Tayyib Ərdoğanın sözçüsü İbrahim Kalın NTV-yə müsahibəsində bildirib.
O qeyd edib ki, TANAP-ın tutumu ikiqat artacaq, Rusiya-Ukrayna müharibəsi bitəndə bu infrastruktur sərmayələri Türkiyəyə qayıdacaq.
Ərdoğanın sözçüsü bildirib ki, Qara dənizdə tapılan təbii qaz əsas sayılır: “Aralıq dənizində də qaz ehtiyyatı tapa bilərik. Oradakı ehtiyat Türkiyəni enerji bazarında çox fərqli bir nöqtəyə aparacaq".
