Fransa parlamentinin Ermənistanda səfərdə olan spikeri Yael Braun-Pive bu gün keçirdiyi mətbuat konfransında sülhdən danışıb.
Modern.az "Sputnik Armenia"ya istinadən xəbər verir ki, spiker bunun üçün yolların tükənmədiyini söyləyib.
"Bu gün biz hesab edirik ki, ən vacibi sülh yolu ilə nizamlanma və dialoqun bərpasıdır. Bizim bütün səylərimiz buna yönəlib. Sülh variantları tükənməyincə, başqa yollardan istifadə etmək məqsədəuyğun deyil. Bu şəraitdə Fransanın enerjisi 100% belə nizamlanmaya yönəlib", - deyə Braun-Pive bildirib.
