Türkiyədə zəlzələ olub.
Modern.az "TRT Haber"ə istinadən xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Rixter şkalası ilə 4.9 balla qiymətləndirilən yeraltı təkan Elazığ vilayətində qeydə alınıb.
Zəlzələnin ocağı yerin 17 kilometr dərinliyində yerləşib.
Vilayət rəsmilərinin açıqlamasına görə, hər hansı ölüm və ya xəsarət alma faktı ilə bağlı müraciət daxil olmayıb.
