Peruda paytaxt Lima və bir sıra digər bölgələrdə fövqəladə vəziyyət elan olunub.
Modern.az TASS-a istinadən xəbər verir ki, bu barədə “El Peruano” hökumət qəzetinin saytında dərc olunan fərmanda deyilir.
"Yanvarın 15-dən etibarən Puno, Kusko, Lima departamentlərində, müstəqil Kallao əyalətində, Apurimac departamentinin əyalətlərində 30 gün müddətinə fövqəladə vəziyyət tətbiq edilib", - məlumatda vurğulanıb.
Qeyd edək ki, ölkədə prezident Dina Boluartenin istefasını və yeni seçkilərin keçirilməsini tələb edən etiraz aksiyaları davam edir.
