Böyük Britaniya Ukraynaya "Bulldog" zirehli personal daşıyıcıları göndərəcək.
Modern.az xəbər verir ki, bu barədə Britaniya müdafiə naziri Ben Uolles parlamentdə çıxışı zamanı bildirib.
Zirehli maşınların sayı açıqlanmayıb. London, həmçinin Kiyevə onlarla pilotsuz uçuş aparatı və “Startstreak” zenit-raket kompleksləri göndərməyə hazırlaşır.
Yeni yardım paketinə "Challanger 2” tankları, 8 AS90 silahı daxil olacaq və onların sayı daha da artırılacaq. Bundan əlavə, siyahıya 100.000 artilleriya mərmisi daxildir.
Müdafiə naziri onu da bildirib ki, hərbi yardım Ukraynadakı müharibənin gedişatını dəyişdirə və Rusiya qoşunlarını sıxışdırıb çıxara bilər.
Akif İsmayılov
