Türkiyədə İŞİD terror təşkilatına qarşı əməliyyat keçirilib.
Modern.az "TRT Haber"ə istinadən xəbər verir ki, əməliyyat Adanada gerçəkləşdirilib.
Belə ki, əvvəllər Suriya və İraqda İŞİD-in fəaliyyətinə qatılmış 7 şübhəli şəxsin şəhərdə olduğu barədə əldə olunan məlumatdan sonra onların axtarışına başlanılıb.
7 ayrı ünvanda keçirilən əməliyyat çərçivəsində barələrində saxlanılma qərarı verilmiş şəxslərdən bəzilərinin yaxalanmasına nail olunub.
Bildirilib ki, axtarışda olan digər şəxslərin saxlanılması istiqamətində tədbirlər davam etdirilir.
