Prezident Kasım-Jomart Tokayev “7-ci çağırış Qazaxıstan Respublikası Parlamenti Məclisinin buraxılması və Qazaxıstan Respublikası Parlamenti Məclisinə deputatların növbədənkənar seçkisinin təyin edilməsi haqqında” fərman imzalayıb.
Modern.az xəbər verir ki, Parlament Məclisinə növbədənkənar seçkilərin 2023-cü il martın 19-na təyin edilməsi haqqında qərar verilib.
Qazaxıstan Respublikasının Mərkəzi Seçki Komissiyasına növbədənkənar Məclis deputatlarının seçkilərinin hazırlanmasını və keçirilməsini təşkil etmək tapşırılıb.
Qeyd edək ki, Qazaxıstan Konstitusiyasına görə, parlament iki palatalıdır: aşağı palata Məclis, yuxarı palata Senat adlanır.
