ABŞ-ın Almaniyadakı Ramştayn bazasında keçirilən Ukraynanın müdafiəsi üzrə 8-ci təmas qrupunun iclasında Ukraynaya "Leopard" tanklarının verilməsi barədə razılıq əldə olunması mümkün olmayıb.
Modern.az "Unian"a istinadən xəbər verir ki, Almaniyanın yeni müdafiə naziri Boris Pistorius məsələyə aydınlıq gətirib.
Onun sözlərinə görə, bunun lehinə və əleyhinə olan hər bir ölkənin özünəməxsus arqumenti olub və ümumi razılığa gəlmək alınmayıb.
Nazir vurğulayıb ki, məsələ tezliklə həllini tapacaq və hər şey kansler Olaf Şoltsdan asılıdır.
