İran parlamentinin sədri Məhəmməd Baqir Qalibaf İsveçdə Qurani-Kərimin təhqir edilməsini pisləyən açıqlama verib.
Modern.az-ın xəbərinə görə, çərşənbə axşamı parlamentin açıq iclasında çıxış edən Qalibaf deyib ki, dini müqəddəslərə qarşı bu cür hərəkətlər bütün dünyada müsəlmanların və monoteistlərin hisslərini incitdi.
O əlavə edib ki, İsveç siyasətçiləri bu aşkar və nəzərdə tutulmuş islamafobiyanı saxta söz azadlığı maskası arxasında gizlədə bilməzlər.
Xatırladaq ki, İsveç sağçılarının lideri Rasmus Paludan Türkiyənin Stokholmdakı səfirliyi qarşısında Qurani-Kərimi yandırmaq üçün ölkə hökumətindən icazə alıb. O, hadisəni törədərkən polis tərəfindən mühafizə olunub.
