NATO-nun keçmiş komandanı Ceyms Stavridis Ukraynaya tank tədarükünün müharibənin gedişinə təsirlərini şərh edib.
Modern.az "Unian"a istinadən xəbər verir ki, o, tankların Kiyevə təhvil verilməsindən sonra Putinin "qara günlərinin" başlayacağını deyib.
Hərbçi "Abrams", "Leopard" və "Challenger" tanklarının Ukraynanın müdafiəsi baxımından kilid rol oynayacağını söyləyib.
"Əgər bu 3 tip tank birlikdə kifayət edəcək sayda Ukraynaya çatdırılsa, bu, Putin üçün real problemlər yaradılacaq. Tankların tədarükü sahədə müharibənin dönüş nöqtəsinə çevriləcək", - deyə o bildirib.
Qeyd edək ki, ABŞ, Böyük Britaniya və Almaniya tankların Ukraynaya tədarükü ilə bağlı qərar qəbul ediblər.
