Gürcüstanın keçmiş prezidenti Mixail Saakaşvili müxalif “Vahid Milli Hərəkat” partiyasının yeni rəhbəri Levan Xabeişviliyə ünvanladığı məktubda Gürcüstanda siyasətlə məşğul olmaq niyyətində olmadığını yazıb.
Modern.az-ın məlumatına görə, Saakaşvili bildirib ki, o, Xabeişvilini “ən yaxın adam” və böyük potensiala malik siyasətçi hesab edir.
Eks-prezidentin Xabeişviliyə məktubunda deyilir: “Gürcüstanda heç bir siyasi fəaliyyətlə məşğul olmaq fikrində deyiləm, lakin sizi Ukraynadan və başqa yerlərdən həmişə dəstəkləyəcəm”.
Yanvarın 28-də və 29-da keçirilən seçkilərin nəticələrinə görə, Levan Xabeişvili “Vahid Milli Hərəkat” partiyasının yeni sədri seçilib.
