Norveçin Ankaradakı səfiri Erlinq Skyonberq Türkiyə Xarici İşlər Nazirliyinə çağırılıb.
Modern.az "Anadolu" agentliyinə istinadən xəbər verir ki, buna səbəb 3 fevralda Quranın yandırılacağı növbəti aksiyanın Norveçdə keçiriləcəyi barədə anonsun verilməsi olub.
Səfirə Türkiyə tərəfinin etirazı çatdırılıb, bu cür addımların qarşısının alınmalı olduğu və yolverilməzliyi ifadə edilib.
Qeyd edək ki, bundan əvvəl oxşar aksiya İsveçin paytaxtı Stokholm şəhərindəki Türkiyə səfirliyi yaxınlığında keçirilmişdi.
