Türkiyənin İstanbul şəhərində ağır yol-nəqliyyat hadisəsi baş verib.
Modern.az "Anadolu" agentliyinə istinadən xəbər verir ki, hadisə Bahçelievler rayonunda olub.
Belə ki, avtobus səkiyə çıxaraq əvvəlcə dayanacaqda gözləyən insanları əzib, sonra mikroavtobusa çırpılıb. Hadisə nəticəsində 5 nəfər yaralanıb, 1 nəfər isə həyatını itirib.
Bildirilib ki, qəza nəticəsində həlak olan şəxs fiziki məhdudiyyətli bir Türkiyə vətəndaşı olub. Azərbaycan vətəndaşı Əhməd Rzayev isə yaralanıb və vəziyyəti ağırdır. Həmçinin 1 Əlcəzair vətəndaşı və 3 Türkiyə vətəndaşı da qəzada yaralanıb.
Hadisə ilə əlaqədar avtobus sürücüsü saxlanılıb.
