Ukrayna Prezident Ofisi rəhbərinin müşaviri Mixaylo Podolyak İlon Maska cavab verib.
Modern.az xəbər verir ki, müşavir bu barədə tviter səhifəsində yazıb.
"Ukraynanın 1 illik müqaviməti geridə qalıb və şirkətlər qərar vermək məcburiyyətindədirlər. Ya Ukraynadan və azadlıq haqqından tərəf olarlar və zərər verməyin yollarını axtarmazlar. Ya da Rusiyadan tərəf olarlar və bu, öldürmə "hüquq"u və bölgələri işğal etmək tərəfdarı olmaq deməkdir. "SpaceX-Starlink" və xanım Şotvell bir seçim etməlidir", - deyə o bildirib.
Qeyd edək ki, İlon Mask Ukrayna tərəfinin PUA-ları idarə etmək üçün şirkətin internet imkanlarından istifadəyə qadağa qoyub.
