ABŞ-ın müdafiə naziri Lloyd Ostin və ukraynalı həmkarı Oleksiy Reznikov arasında telefon danışığı olub.
Modern.az Ukrayna mətbuatına istinadən xəbər verir ki, tərəflər Ukraynanın müdafiəsi üzrə təmas qrupunun növbəti toplantısının gündəliyi ətrafında fikir mübadiləsi aparıblar.
Bildirilib ki, həmçinin hava hücumundan müdafiə sistemləri və artilleriya tədarükü məsələləri, cəbhədəki son durum da müzakirə edilib.
Qeyd edək ki, təmas qrupunun toplantısı gələn həftə Belçikanın paytaxtı Brüsseldə gerçəkləşdiriləcək.
