Türkiyənin Adıyaman bölgəsində baş vermiş zəlzələ zamanı dağıntılar altında qalan daha bir nəfər xilas edilib.
Modern.az "Anadolu" agentliyinə istinadən xəbər verir ki, zəlzələnin 212-ci saatında 77 yaşlı qadın yaşayış binasının dağıntıları altından çıxarılıb.
7 mərtəbəli binanın dağıntıları altından xilas olunan Fatma Güngörə ilkin tibbi yardım göstərilib və təcili yardımla xəstəxanaya yerləşdirilib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Zəlzələ ciddi dağıntılara səbəb olub. Təbii fəlakət zamanı 35 mindən çox insan həyatını itirib.
Akif İsmayılov
