Türkiyənin zəlzələ baş vermiş cənub-şərq bölgəsində növbəti 2 yeraltı təkan qeydə alınıb.
Modern.az xəbər verir ki, bu barədə AFAD-ın rəsmi tviter səhifəsində məlumat verilib.
Belə ki, Kahramanmaraş və Malatya vilayətlərində 2 yeni zəlzələ olub.
Kahramanmaraşın Türkoğlu rayonundakı zəlzələ Rxiter şkalası ilə 3.8 balla qiymətləndirilib və ocağı yerin 7 kilometr dərinliyində yerləşib.
Malatyadakı silkələnmə isə vilayətin Battalqazi rayonunda baş verib və maqnitudası 4.4 olub. Bu zəlzələnin ocağı da yerin 7 kilometr dərinliyində olub.
İtki və dağıntılar barədə məlumat verilməyib.
