Bu gün Suriyanın şimalında yerləşən Hələb şəhərində baş verən zəlzələdə azı 6 nəfər yaralanıb.
Modern.az xəbər verir ki, bu barədə dövlətə məxsus SANA agentliyi məlumat yayıb.
Binaların uçması nəticəsində yaralanan 6 nəfər şəhər xəstəxanasına çatdırılıb. Hələbin bir neçə məhəlləsində binaların uçduğu bildirilir.
Xatırladaq ki, fevralın 20-də yerli vaxtla saat 20:04-də Türkiyənin Hatay vilayətində 6,4 bal gücündə, saat 20:07-də isə bu vilayətin Samandağ rayonunda 5,8 bal gücündə zəlzələ baş verib. Yeraltı təkanların 400 kilometrdən artıq məsafədə - Livan, Suriya, Kipr, Suriya və İsraildə, ümumilikdə 30 milyondan çox insanın yaşadığı geniş ərazidə hiss edildiyi bildirilib.
