Rusiya və ABŞ Strateji Silahların Azaldılması Müqaviləsinin (START) icrasına qayıtmalıdır.
Modern.az xəbər verir ki, bu barədə BMT baş katibinin sözçüsü Stefan Düjarrik bildirib.
"Baş katibin mövqeyi həmişə aydındır: ABŞ və Rusiya təxirə salınmadan START-nın tam icrasını bərpa etməlidir", - deyə Düjarrik vurğulayıb.
Onun sözlərinə görə, beynəlxalq birliyin təhlükəsizliyi bundan asılıdır.
Qeyd edək ki, bu gün prezident Vladimir Putin Federal Məclisə müraciətində Rusiyanın START müqaviləsində iştirakını dayandırdığını açıqlayıb.
Akif İsmayılov.
