Ukrayna prezidenti Volodimir Zelenski və pakistanlı həmkarı Arif Alvi arasında telefon danışığı olub.
Modern.az xəbər verir ki, Zelenski bu barədə rəsmi "Telegram" səhifəsində yazıb.
"Pakistan prezidenti Arif Alvi ilə telefon danışığımız oldu. Biz dövlətlərin ərazi bütövlüyü və suverenliyi, BMT Nizamnaməsinə hörmət prinsiplərinin vacibliyini qeyd etdik. Söhbət zamanı Ukraynanın Taxıl Təşəbbüsünə xüsusi diqqət yetirildi. Dövlətimiz bundan sonra da dünyanın ərzaq təhlükəsizliyinin təminatçısı kimi çıxış etməyə hazırdır", - deyə Zelenski qeyd edib.
