ABŞ-ın bir sıra ştatlarına qarla müşayiət olunan güclü tufan nəticəsində azı on nəfər ölüb.
Modern.az xəbər verir ki, bu barədə CNN məlumat yayıb.
Məlumata görə, təbiət hadisəsi nəticəsində 1,2 milyondan çox amerikalı elektrik enerjisindən məhrum qalıb.
Xüsusilə, Kaliforniyada güclü qar səbəbindən 13 əyalətdə fövqəladə vəziyyət elan edilib. Texas və Pensilvaniya güclü küləklə əlaqədar təcili xəbərdarlıq edib. Kaliforniyanın bəzi ərazilərində qar yığınları ikinci mərtəbənin pəncərələrinə qədər böyüyüb.
